ജമാഅത്തെ ഇസ്‌ലാമിയുടെ 14 പുസ്തകങ്ങള്‍ മൂന്നംഗ സര്‍ക്കാര്‍ സമിതി പരിശോധിക്കും.

ജമാഅത്തെ ഇസ്‌ലാമി പുറത്തറക്കിയ 14 പുസ്തകങ്ങളില്‍ ദേശവിരുദ്ധ പരാമര്‍ശമുണ്ടോ എന്ന് പരിശോദിക്കണമെന്ന ഹൈക്കോടതി നിര്‍ദ്ദേശത്തിന്റെ അടിസ്ഥാനച്ചില്‍ സര്‍ക്കാര്‍ ഇന്റലിജന്‍സ് മേധാവിയുടെ നേതൃത്വത്തില്‍ പ്രത്യേക സമിതിക്കു രൂപം നല്‍കി. 

ഇന്റലിജന്‍സ് മേധാവി ബി.എസ്. മുഹമ്മദ് യാസീന്‍, പി.ആര്‍.ഡി. ഡയറക്ടര്‍ ഡോ. കെ. അമ്പാടി, മുന്‍ എം.പി. സെബാസ്റ്റ്യന്‍ പോള്‍ എന്നിവരാണ് സമിതിയംഗങ്ങള്‍. വര്‍ഗ്ഗീയത മിത്തും യാഥാര്‍ഥ്യവും, ബുദ്ധന്‍-യേശു-മുഹമ്മദ്, ഇസ്‌ലാമിന്റെ രാഷ്ട്രീയ സിദ്ധാന്തം, ഇന്ത്യയിലെ ഭീകരാക്രണമവും ഉത്തരം കിട്ടാത്ത ചോദ്യങ്ങളും, ഒരു ജാതി-ഒരു ദൈവം, പ്രകാശം പരത്തുന്ന പ്രസ്ഥാനം, മതേതരത്വം- ജനാധിപത്യം -ദേശീയത ഒരു താത്വിക വിശകലനം, ജയില്‍ അനുഭവങ്ങള്‍. സത്യസാക്ഷ്യം, യേശുവിന്റെ പാത മുഹമ്മദിന്റെയും, ജമാഅത്തെ ഇസ്‌ലാമി ലഘുപരിചയം തുടങ്ങിയ പുസ്തങ്ങള്‍ ഇവയില്‍ പെടുന്നു 2017 ജൂണ്‍ 27 ന് മുമ്പ് റിപ്പോര്‍ട്ട് സമര്‍പ്പിക്കാനാണ് ആവശ്യപ്പെട്ടിരിക്കുന്നത്. 

ജമാഅത്തെ ഇസ്ലാമി ഹിന്ദ് എന്ന സംഘടനയുടെ പുസ്തകങ്ങള്‍ ദേശവിരുദ്ധത പ്രചരിപ്പിക്കുന്നുവെന്നും അതിനാല്‍ അവ നിരോധിക്കണമെന്നും ആവശ്യപ്പെട്ടുള്ള പൊതുതാല്‍പ്പര്യഹര്‍ജി പരിഗണിച്ച് കൊണ്ടാണ് ഹൈക്കോടതി സര്‍ക്കാറിനോട് ഇക്കാര്യം നിര്‍ദ്ദേശിച്ചത്.

ഈ പുസ്തകങ്ങളില്‍ ദേശവിരുദ്ധ ആശയങ്ങള്‍ ഉള്‍ക്കൊള്ളുന്നതായി ഇന്റലിജന്‍സ് മേധാവിയായിരിക്കെ ടി.പി. സെന്‍കുമാര്‍ 2013-ല്‍ ആഭ്യന്തരവകുപ്പിന് റിപ്പോര്‍ട്ട് നല്‍കിയിരുന്നു. മറ്റുമതങ്ങളോട് വിദ്വേഷമുണ്ടാക്കുന്നതും മതേതരവിരുദ്ധവുമാണ് ഈ പുസ്തകങ്ങളെന്നായിരുന്നു റിപ്പോര്‍ട്ടിലുണ്ടായിരുന്നത്. എന്നാല്‍ ഈ റിപ്പോര്‍ട്ടില്‍ സര്‍ക്കാര്‍ തുടര്‍നടപടികളൊന്നും സ്വീകരിച്ചില്ല. ഈ പുസ്തകങ്ങള്‍ വര്‍ഷങ്ങളായി പ്രചാരത്തിലുള്ളതാണെന്നും ദേശവിരുദ്ധമായി ഒരു പരാമര്‍ശവും പുസ്തകങ്ങളിലില്ലെന്നും ജമാഅത്തെ ഇസ്ലാമി കേരളാ അസിസ്റ്റന്റ് അമീര്‍ മുജീബ് റഹ്മാന്‍ പറഞ്ഞു

Leave a Comment


Disqus comments here..........